Amdanom ni

Cefndir

Mae Cymdeithas Tai Eryri yn fenter gymdeithasol lwyddiannus sydd wedi gweithredu ar draws Gwynedd ac Ynys Môn ers dros 30 mlynedd. Cawsom ein sefydlu yn 1978. Rydym yn Gymdeithas diwydiannol a Darbodus elusennol wedi ei chofrestru gyda’r Awdurdod Gwasanaethau Ariannol, yn Landlord Cymdeithasol Cofrestredig ac yn Ddarparwr Cefnogaeth Achredig. Rydym yn darparu tai fforddiadwy mewn ymateb i anghenion tai lleol, yn cynnig cymorth i bobl fregus ac yn ceisio lleihau anfantais cymdeithasol tra’n cyfrannu at adfywio cymunedau a chynnal yr iaith Gymraeg.

Anogir unigolion a grwpiau lleol i ymaelodi â’r Gymdeithas er mwyn inni fod yn gorff atebol a chynrychioladol.

Gweithredwn er budd y gymuned a phobl sydd mewn angen drwy:

• Darparu tai fforddiadwy, tai arbenigol ar gyfer pobl hŷn a llety ar gyfer ystod o grwpiau cleient gydag anghenion cefnogaeth;
• Cynnig gwasanaethau cefnogaeth i denantiaid bregus, pobl ddigartref a dioddefwyr trais yn y cartref;
• Galluogi pobl i brynu cartref addas gyda chymorth benthyciad ecwiti;
• Hwyluso a chefnogi ystod o brosiectau adfywio cymunedol;
• Rheoli’r asiantaethau Gofal a Thrwsio lleol sy’n cynorthwyo pobl hŷn a phobl ag anableddau;
• Cydweithredu’n agos gyda’r awdurdodau lleol, mentrau cymdeithasol eraill, grwpiau cymunedol, y sector breifat a Llywodraeth y Cynulliad.

Am gopi o'n cynllun corfforaethol cliciwch ar y linc isod -

• Cynllun Corfforaethol 2011-16 (PDF - 742KB)

Cliciwch ar y linc isod am copi o'r Adroddiad Blynyddol 2010-11 -

• Adroddiad Blynyddol 2010-11 (PDF - 8.1MB)