Safonau Gwasanaeth

Pwrpas y daflen hon ydyw rhoi gwybodaeth i chi fel tenantiaid am y gwasanaeth rydym yn ei roi i chi.

Rydym yn gobeithio ei fod yn daflen sy’n hawdd ei deall a’i bod yn rhoi gwybodaeth gryno am y math o wasanaeth rydym yn ei ddarparu i chi.
Cadwch y daflen yn ddiogel a’i defnyddio cyn cysylltu gyda ni. Mae cael barn tenantiaid wedi bod yn ganolbwynt i ddatblygu’r safonau hyn a drwy ofyn barn tenantiaid rydym yn gobeithio bod y daflen yn un ddeniadol a defnyddiol.

Rydym am sicrhau ein bod yn cynnal y safon hon drwy gasglu
sylwadau am ein gwasanaethau a gadael i chi wybod beth rydym
yn ei wneud a sut rydym yn gwella.

Os rydych yn sylwi nad ydym yn cyrraedd rhai o’r safonau hyn
byddwn yn croesawu unrhyw sylwadau gennych, er mwyn
parhau i wella’n gwasanaethau.

Cynnal a chadw
Byddwn yn:

• rhoi gwasanaeth cais am waith argyfwng 24 awr, 365 diwrnod y flwyddyn
• rhoi gwybod ar y math o waith sydd angen ei wneud a pryd fydd y gwaith yn cael ei gwblhau:
  • Argyfwng - o fewn 24 awr (enghraifft o hyn yw dim dŵr neu wres yn eich cartref)
  • Brys - o fewn 7 diwrnod (enghraifft o hyn yw cyflenwad rhannol o ddwˆr oer neu boeth neu ddiffyg
    rhannol yn y gwres)
  • Angenrheidiol - o fewn 30 diwrnod (enghraifft o hyn yw trwsio blwch llythyrau)
• ymateb i holiaduron sydd yn nodi safon anfoddhaol am ein gwasanaeth
• gwasanaethu bwyleri nwy yn flynyddol gan roi wythnos o rybudd yn ysgrifenedig
• rhoi gwybod pan fo cais am waith yn cael ei ystyried yn
  gyfrifoldeb y tenant a bydd cost am gwblhau’r gwaith
• sicrhau fod contractwyr yn dilyn côd ymddygiad

Gwaith Cynlluniedig (gwaith mawr fel cegin newydd neu ffenestri newydd)

Byddwn yn:

• rhoi gwybod pa waith fydd yn cael ei wneud yn eich cartref yn ystod y flwyddyn ariannol (Ebrill-Mawrth)
• hysbysu drwy lythyr o leiaf 2 wythnos cyn i waith gychwyn
• rhoi cynnig dewis o liw ar gyfer ceginau, lloriau yn y gegin a stafell ymolchi, drysau drws ffrynt os yw’n bosib
• rhoi enw a rhif ffôn y contractwr fydd yn gwneud y gwaith
• sicrhau fod contractwyr yn dilyn côd ymddygiad

Datblygiadau newydd

Byddwn yn:

• sicrhau fod eiddo newydd wedi eu hadeiladu i safon ofynnol y Llywodraeth a gofynion deddfwriaethol
• cadarnhau 14 diwrnod o flaen llaw dyddiad symud fewn i’r eiddo
• rhoi gwybodaeth sut i ddefnyddio’r cyfleusterau yn yr eiddo fel y bwyler neu system wresogi
• rhoi gwybodaeth am safon yr eiddo newydd cyn i denantiaid symud i mewn

Gwasanaeth Rhenti

Byddwn yn:

• ysgrifennu atoch ynglŷn â newidiadau yn eich rhent a thâl gwasanaeth yn ystod mis Mai bob blwyddyn
• cynnig ffyrdd gwahanol o dalu rhent drwy: debyd uniongyrchol, siec, cardiau talu rhent neu arian parod
• cysylltu â chi os rydych wedi methu mwy nag un taliad cyson
• delio gydag achosion o rent sydd heb eu talu yn brydlon
• eich cyfeirio at asiantaethau eraill all eich helpu gyda materion ariannol

Ymddygiad gwrth gymdeithasol

Byddwn yn:

• cydnabod pob achos o ymddygiad gwrth gymdeithasol
• ymateb i achosion o niwsans ac aflonyddwch hiliol o fewn 3 diwrnod gwaith
• cytuno ac arwyddo cynllun gweithredu gyda’r person sydd yn dioddef ymddygiad gwrth gymdeithasol a’r person sydd yn achosi’r broblem
• rhoi eglurhad pam fod achosion yn cael eu cau
• cyd weithio gydag awdurdodau lleol, heddlu ac asiantaethau eraill i ddelio gydag ymddygiad gwrth gymdeithasol
• rhoi hysbys i achosion o orchmynion a throi allan
• gofyn barn yn ystod ymweliad cartref, er mwyn casglu adborth ar ein gwasanaeth