Mae’r Gymdeithas yn darparu gwasanaeth o 2 swyddfa – y brif swyddfa ym Mhenygroes a swyddfa Llangefni yn Ynys Mon.
Mae’r staff yno i’ch cynorthwyo bob amser, i drafod eich problemau ac i roi
cyngor ar faterion sy’n ymwneud â’ch tenantiaeth. Fel arfer, nid oes angen i
chi wneud apwyntiad i’w gweld, ond mae’n well holi gyntaf i sicrhau y byddant
ar gael i’ch gweld pan fyddwch yn galw i mewn i’r swyddfa. Pe bai angen,
gallant ymweld â chi yn eich cartref os yw hynny’n well gennych.
Delio gyda ymholiadau
- Rydym yn ymdrechu i ddelio gydag ymholiadau wyneb yn wyneb mewn ffordd gwrtais a phrydlon.
- Rydym yn cynnig cyfleusterau os ydych eisiau trfod rhywbeth yn breifat.
- Rydym yn barod i ymweld â chi yn eich cartref i drafod rhywbeth os dymunwch hynny.
Galwadau Ffôn
-
Rydym yn ateb y ffôn cyn gynted ag y bo modd gan ddelio gydag unrhyw ymholiadau
ffôn mewn dull gwrtais a phrydlon.
-
Darparu gwasanaeth peiriant ateb pan fo’r swyddfeydd ar gau sy’n rhoi
gwybodaeth am ein rhif ffôn argyfwng.
-
Ymateb i ymholiadau adawyd ar y peiriant ateb cyn gynted â phosib.
-
Peidio â’ch cadw i aros yn rhy hir os ydych yn ffonio ac os nad yw’r person y
dymunwch siarad ag ef/hi ar gael. Pe digwydd hyn, byddwn yn gofyn os oes posib
eich ffonio’n ôl.
Ymateb i lythyrau
-
Rydym yn ymdrechu i ymateb i lythyrau yn brydlon ac effeithiol, yn gryno ac yn
syml gan roi gwybodaeth i chi am bwy sy’n delio gyda’ch ymholiad.
Gwybodaeth ac Ymgynghoriad Ddwyieithog
Rydym yn cydnabod hawliau unigolion a grwpiau i ddefnyddio’r iaith o’ch dewis.
Ein bwriad yw i ddarparu gwasanaeth cyson ar gyfer siaradwyr Cymraeg a Saesneg.
-
Croesawn ymholiadau yn y Gymraeg neu’r Saesneg ac ymdrechwn i ymateb iddynt yn
yr iaith briodol.
-
Darparwn wybodaeth ddwyieithog ar ein perfformiad a’n gwasanaethau.
-
Croesawn sylwadau am y gwasanaeth a ddarperir gennym ac fe ymdrechwn i ddelio
gydag unrhyw ymholiad yn brydlon ac effeithiol.
